കടൽ ആകാശം തേടി യാത്ര -
പോയപ്പോൾ കര ഒറ്റക്കായി ..
കരയുടെ നെഞ്ചിൽ
കടലിന്റെ മീനുകൾ
ശ്വാസത്തിനായി പിടഞ്ഞു ..
കരയിൽ ശ്വാസം മുട്ടി
ജീവിച്ചിരുന്ന മനുഷ്യർ
മീനുകൾക്ക് ശ്വാസം നൽകി
മരണം വരിച്ചു ..
ശ്വാസം ലഭിച്ച മീനുകൾക്ക്
ചിറകുകൾ വന്നപ്പോൾ
അവരും ആകാശം തേടി പോയി ..
കര വീണ്ടും ഒറ്റക്കായി..
ശ്വാസം മുട്ടി മരിച്ച മനുഷ്യരുടെ ആത്മാക്കൾ
അത് കണ്ടു കണ്ണീർ വാർത്തു ..
അതൊരു കണ്ണീർ മഴയായപ്പോൾ
കടൽ കരയിലേക്ക് പെയ്തിറങ്ങി..
കരയും കടലും വീണ്ടും ഒന്നായി..
പറന്നു പോയ മീനുകൾ പക്ഷികളായി
ആകാശത്തലഞ്ഞു നടന്നപ്പോൾ ..
അവക്ക് ശ്വാസം നൽകി മരിച്ച മനുഷ്യരെ
കടൽ ജീവൻ നൽകി മീനുകളാക്കി..
മീനുകളെ ഭക്ഷിക്കാൻ ആകാശത്ത്
പക്ഷികൾ വട്ടമിട്ടു പറക്കുമ്പോൾ
കരയിലെ മൃഗങ്ങൾ മനുഷ്യനെ തിരഞ്ഞു നടന്നു..
-pravin-
മനുഷ്യൻ മീനുകൾക്ക് ജീവനേകി
ReplyDeleteഅവ പക്ഷികളായി മീനിനെ തിന്നുവാൻ
പറക്കുന്ന സൈക്കിളിക് ...
മനുഷ്യജീവനും ഭീഷണി!
ReplyDeleteആശംസകൾ
മനുഷ്യനെ തിരഞ്ഞു നടക്കാം...
ReplyDeleteസ്നേഹപൂര്വ്വം
രൂപ
നല്ല രചന
ReplyDelete